Выбор редакции

Ресейлік министр панфиловшылардың ерлігіне сенбейтіндерді "сұмырайлар" деп атады

Ресейдің мәдениет министрі Владимир Мединский Мәскеу түбіндегі шайқаста теңдессіз ерлік көрсеткен 28 панфиловшылар жөніндегі тарихты жоққа шығарушыларды «әбден тынған сұмырайлар» деп атады.

Ресейлік министр панфиловшылардың ерлігіне сенбейтіндерді "сұмырайлар" деп атады

Владимир Мединский. Фото: ras.kz

Бұл туралы ТАСС ақпарына сілтеме жасаған ras.kz хабарлады.

Мединский өз сөзінде тіпті іс жүзінде осыған пара-пар келетін қиян-кескі ұрыс болмаған күннің өзінде, ол туралы ойдан шығарылған әңгімелердің «қасиетті аңыз» болып қала беретінін айтты.

«Мен егер осы оқиғаның басынан аяғына дейін ойдан құрастырылған нәрселер болған күннің өзінде де, тіпті, онда Панфиловтың өзі болмаған болса да, бұл аңыздың бәрібір ешкімге тиісіп, қорлауға жол берілмейтін қасиетті оқиға екеніне имандай сенемін. Ал осыны қопсытып, қайта-қайта бұрқыратып жүрген адамдардың өздері – әбден тынған сұмырайлар», – деді ол.

Министр панфиловшылар жөніндегі аңызға бергісіз оқиғаларды талқылап, ортаға салу идеясының өзін «арсыздық» деп есептейді.

КСРО-ның ресми болжамына сәйкес, 1941 жылдың 16 қарашасында генерал Иван Панфилов басқарған 316-шы атқыштар дивизиясының 28 жауынгері 4 сағаттың ішінде немістердің 18 танкісін жойып жібереді. 1948 жылы прокуратура бұл ерліктің журналистер ойдан құрастырған аңыз екенін анықтайды. Алайда, ол бұл жайындағы тұжырымды жариялауға жатпайды деп есептеп, істі тоқтатып тастайды.

Арада 40 жыл өткеннен кейін КСРО-ның бас әскери прокуроры Александр Катусев аталмыш ерлік жөніндегі мәліметтің асыра көрсетілгенін мойындайды. Дегенмен, бірқатар тарихшылар қазір 1948 жылы прокуратураның дәл сондай тексеру жүргізгенінің өзіне үлкен күмән келтіріп отыр.

Тағы оқыңыздар:

Шымкентте бүтін бір жанұя уланып ауруханадан бір-ақ шықты

СҚО-да баскетболшыны өлімші етіп сабап, жағын сындырған

Шымкентте өзгенің орнына сынақ тапсырған 19 адам сот алдына келді

Қостанай облысында кәсіпкер келіншек із-түссіз жоғалып кетті

Астанада 2 млн теңге пара алған шенеунік сотталып кетті

Еліміздегі министрлер миллион теңге жалақы алатын болып шықты